İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 302 Hüküm no: 199 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın Safiye Hatun’daki alacağını sulh yoluyla tahsil ettiği Mahmiye-i İstanbul’da Kâtib Muslihiddin mahallesinde sâkine Fâtıma bt. Abdullah nâm hatun ba‘de’t-ta‘rîfi’ş-şer‘î meclis-i şer‘-i şerîf-i enverde Safiye bt. Abdullah mahzarında ikrâr-ı tâm ve takrîr-i kelâm edip bundan akdem mezbûre Safiye yedine malımdan otuz guruşumu bi-tarîkı’l-emâne def‘ u teslîm ol dahi ber-vech-i muharrer ahz u kabz ve meblağ-ı mezbûru kendi mesârifine sarfla istihlâk etmekle mezbûre Safiye’den taleb ve da‘vâ etdiğimde ol dahi inkâr etmekle beynimizde ba‘de’n-nizâ‘ muslihûn tavassut edip da‘vâ-yı mezkûremden mezbûre Safiye Hatun benimle on iki buçuk guruş üzerine sulh oldukda ben dahi sulh-i mezbûru kabûl ve bedel-i sulh olan meblağ-ı mezbûr on iki buçuk guruşu yedinden alıp kabzedip husûs-ı mezkûra ve ziyâde müdde‘âm olan on yedi buçuk guruşa müte‘allika âmme-i da‘vâdan mezbûre Safiye’nin zimmetini ibrâ-i âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ vaka‘a bi’t-taleb ketb olundu. Fi’l-yevmi’s-sanî aşar min-Şevvali’l-mükerrem li-sene seb‘a ve miete ve elf. Şuhûdü’l-hâl: İbrahim Çelebi b. Ahmed, Küçük İbrahim Çelebi b. Mehmed, Receb b. Süleyman, Ahmed b. Ahmed, Ali b. Bali, İsmail b. Mustafa