İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 191 Hüküm no: 189 Orijinal metin no: [25a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Süleyman’ın merkep imaline ve dükkan açmasına ruhsat verildiği Dükkân küşâdına ruhsat Ma‘rûz Mustafa b. Süleyman meclis-i şer‘-i münîrde İslâmbol’da mürekkebciler esnâfının kethüdâsı el-Hâc Halil ve es-Seyyid Osman Usta ve es-Seyyid Mehmed ve es-Seyyid İbrahim ve Molla Ali muvâcehelerinde ben mürekkebcilik san‘atını tahsîl ve mahâret kisb etmemle i‘mâl ve bey‘ murâd eylediğimde esnâf-ı mezkûre beni bey‘den men‘-birle dükkân küşâdıma mümâna‘at etmeleriyle mümâna‘atları men‘ ü def‘ ve dükkân küşâdıma taraf-ı şer‘den izin ve ruhsat verilmesi murâdımdır dediği şer‘-i şerîfe mutâbık ve men‘-i inhisâr-ı bey‘ u şirâ bâbında sâdır olan hatt-ı hümâyûna muvâfık olduğu esnâf-ı mezkûreye tefhîm olundukda onlar dahi fîmâ ba‘d mezbûr Mustafa’nın merekkeb i‘mâline ve dükkân küşâdıyla bey‘ u şirâsına mümâna‘at etmemek üzere ta‘ahhüd eyledikleri İslâmbol Mahkemesi’nden huzûr-ı âlîlerine i‘lâm olundu. Fî-25 min Za sene [1]216