İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 203 Hüküm no: 206 Orijinal metin no: [27b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. Yusuf’un uygunsuz hareketlerinden dolayı mahalleden çıkarıldığı; Osman b. Mehmed’in uygunsuz hareket etmeyeceğini taahhüt ederek kefil vermesi ile mahallede kalmasına müsaade edildiği Ma‘rûz Medîne-i Üsküdar’a muzâfe Yoros nahiyesine tâbi‘ Çekme karyesi ahâlîsinden Hasan b. İbrahim ve İbrahim b. Hüseyin ve Mustafa b. Abdullah ve Feyzullah b. Mustafa ve diğer Mustafa b. Ali nâm kimesneler meclis-i şer‘-i münîrde karye-i mezbûre ahâlîlerinden Ömer b. Yusuf ve Osman b. Mehmed muvâcehelerinde mezbûr Ömer kendi halinde olmayıp mezbûr Osman’ı dahi iğfâl ile nâhemvâr harekete ictisâr etmeleriyle mezbûrândan emniyet ve rahatımız yokdur deyü bi’l-muvâcehe iştikâ eylediklerinde mezbûr Ömer dahi ba‘de’l-yevm karye-i mezbûrede sâkin olmayıp âhar karyeye nakl ve merkūm Osman dahi emniyet-i ahâlî zımnında nefsine kefîl verip ahâlî-i karyeyi ta‘cîz ve tekdîr etmemek üzere ta‘ahhüd eyledikleri İslâmbol Mahkemesi’nden huzûr-ı âlîlerine i‘lâm olundu. Fî-29 min Za sene [1]216