Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 142 Hüküm no: 123 Orijinal metin no: [29b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çubukçu Manil ile Serkiz’in birbirlerinde olan alacaklarından vazgeçerek zimmetlerini ibra etmeleri Her biri meccânen ibrâ, 219,5 guruş Mahmiye-i İstanbul’da ( ) mahallesinde mütemekkin Çubukçu Manil v. Bogos zimmî meclis-i şer‘-i <<şerîf-i enverde>> hatîr-i lâzımü’t-tevkīrde işbu hâmilü’r-rakīm Serkiz v. Oseb zimmî muvâcehesinde ikrâr-ı tam ve takrîr-i kelâm edip mersûm Serkiz zimmî zimmetinde malımdan ve yedimden iştirâ ve kabz eylediği beynimizde ma‘lûm eşyâ-yı ma‘lûme semeninden iki yüz on dokuz buçuk guruş alacak hakkım olup mersûm Serkiz zimmînin dahi kezâlik benim zimmetimde cihet-i deyn-i şer‘îden otuz sekiz guruş alacak hakkı olmağla ben alacağım olan meblağ-ı mezbûr ikiyüz on dokuz buçuk guruşdan meccânen fâriğ olup meblağ-ı mezbûr ikiyüz on dokuz buçuk guruş mutâlebesine müte‘allika da‘vâdan mersûk Serkiz zimmînin zimmetini ol dahi benden iddi‘â eylediği otuz sekiz guruş mutâlebesine müte‘allika da‘vâdan benim zimmetimi ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 25 Ra sene [1]242 Şühûdü’l-hâl: Muhzır Fettah Çelebi, Muhzır İsmail Çelebi, Muhzır Hüseyin Çelebi.