Rumeli Sadâreti Mahkemesi 272 Numaralı Sicil (H. 1171-1172/ M. 1758) cilt: 74, sayfa: 406 Hüküm no: 514 Orijinal metin no: [105a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Mehmed’in tacize uğradığı yolundaki iddiasını ispat edemediği Ma‘rûz, İstanbul’da Gazanfer Ağa medresesinde sâkin şâbb-ı emred es-Seyyid Molla Mehmed mahfil-i şer‘iyyâtda bâ‘is-i i‘lâm Molla Ali mahzarında mezbûr Molla Ali ile medrese-i mezkûrede bir hücrede sâkin iken târîh-i i‘lâm gecesi üzerime gelip fi‘il-i şenî‘ kasdıyla beni ahzedip bir tarîk ile elinden halâs olmağla mûceb-i şer‘îsini mezbûr Molla Ali’den hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr es-Seyyid Molla Mehmed ber-vech-i muharrer müdde‘âsını beyân edemeyip talebiyle mezbûr Molla Ali’ye vech-i şer‘î üzere muvâcehesinde yemîn verilmeğin mûcebiyle müdde‘î-i mezbûr es-Seyyid Molla Mehmed husûs-ı mezkûr için mezbûr Molla Ali’ye bilâ-beyyine bî-vech mu‘ârazadan men‘ olunduğu mübâşirleri iltimâsıyla huzûr-ı âlîlerine i‘lâm olundu. Fî 7 min-Saferi’l-hayr sene 1172.