Üsküdar Mahkemesi 51 numaları sicil (H. 987-988/ M. 1579-1580) cilt: 8, sayfa: 146 Hüküm no: 212 Orijinal metin no: [26a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Musa’nın, mallarının Çingene Hacı’da bulunduğu Topraklıoğlu demekle ma‘rûf Hüseyin b. Musa meclis-i şer‘-i şerîfde işbu Yusuf b. Abdi nâm kimesneyi ihzâr ve takrîr-i da‘vâ edip bundan akdem İstanbul’a gelir iken Pendik nâm karyede konduğumuz ahırın duvarı delinip bir çift sepet içinde dört yüz filori ve iki ferâce ve beş kilim ve beş don ve gömlek ve beş Bağdâdî kutnî kaftan ve iki eyer rahtları ile ve iki dikdik bir tafta kaftan ve bir Kerekî bir gümüşlü bıçak bir kırmızı muhattem kuşak ve bir sofa ve bir ibrik ve bir sahan ve bir ihrâm ve bir yastık bu cümle esbâbım sirkat olunmuş idi hâlâ mezbûr Yusuf’un elinde zikr olunan esbâbdan bir eyer bulduk keyfiyyet-i hâl tefahhus olunmasın taleb ederin dedikde gıbbe’s-suâl mezbûr Yusuf cevâb verip zikr olunan eyeri işbu Behrâm b. Abdi nâm kimesnenin evinde icâre ile sâkin Hacı nâm çingene vermişdir ve zikr olunan esbâbdan bir mikdâr esbâb mezbûr Hacı’nın evindedir dedikde ba‘zı müslümanlar irsâl olunup mezkûr Hacı’nın evi yoklandıkda bir tülbent ve bir sofa ve bir eyer heybesi ve bir gömlek bir oyan bulunup Kasım b. Ahmed ve Şaban Halîfe b. Musa ve Nasrullah b. Nasûh nâm kimesneler meclis-i şer‘a hâzırûn olup zikr olunan esbâb mezbûr Topraklıoğlu Hüseyin’in mülküdür deyû haber verdiklerinde vâki‘ hâl bi’t-taleb sebt olundu. Fî evâili Zilhicce sene 987. Şuhûdü’l-hâl: Mehmed b. Behrâm, Eyyûb Halîfe b. Hızır, Seyyid Mehmed b. Seyyid İbrahim, Şucâ‘ b. Karaca, Cafer b. Mustafa