Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 278 Hüküm no: 441 Orijinal metin no: [41b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Germiyan oğlu Şah Çelebi Türbesi’nin tamiri için vakfolan Göynük köyünün vergilerinin toplanmasına Ahmed Bey b. Bâli Çavuş’un vekil tayin edildiği Mahmiye-i Kostantıniyye sâkinlerinden fahrü’l-ulemâ zahrü’s-sülehâ Mevlânâ eş-Şeyh Cafer ve Seyyid Muhyiddin nâm kimesneler mahfil-i kazâda şehzâde-i civân baht ve serdâr-ı tâc u taht Sultân Mehmed Hân hazretlerinin hâssa serrâclarından fahrü’l-emâsil ve’l-akrân Ahmed Bey b. Bâli Çavuş mahzarında takrîr-i merâm ve bast-ı kelâm edip kasaba-i Kula’da medfûn merhûm ve magfûrun-leh Germiyan oğlu Şah Çelebi Türbesi’nin ta‘mîr ve termîmine vakıf olup ber vech-i iştirâk berât-ı pâdişâhî ile mutasarrıf olduğumuz Göynük nâm karyenin bi’t-tamâm bu senenin ve doksan dokuz senesinde bâkī kalan a‘şâr-ı rüsûm ve sâir bâd-ı hevâsın da‘vâya ve kabz ve îsâle Ahmed Bey’i vekîl eyledik dediklerinde ol dahi vekâlet-i merkūmeyi kabûl edip hizmet-i lâzımesin uhdesine aldıkda mâ vaka‘a kayd şud. Şuhûdü’l-hâl: Rıdvan Bey [b.] Abdullah, Fahrü’l-müderrisîn Bâli Çavuş, Ahmed b. Sefer Bey el-mülâzım ve gayruhüm