Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 282 Hüküm no: 446 Orijinal metin no: [42b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Evrano v. Papa Andron’un, Papas’ın kızı Orati’yle nişanlı olduğunu ispatlayamadığı Mahmiye-i Üsküdar’a tâbi‘ cezîre-i Surh’tan Evrano v. Papa Andron nâm zimmî mahfil-i kazâda cezîre-i merkūmeden Manol v. Dimitri nâm zimmî mahzarında takrîr-i da‘vâ kılıp mezbûr Manol’un karındaşı olup mürd olan Papas nâm zimmînin kızı Orati benim namzedim olup hâlâ istediğimde vermekde te‘allül eder suâl olunmasın taleb eylerim dedikde gıbbe’s-suâl mezbûr Manol inkâr edicek müdde‘î-i mezbûrun da‘vâsına muvâfık beyyine taleb olundukda ikāmet-i beyyineden âciz olup üç güne dek eğer şâhidlerim getirip mezbûr ile murâfa‘a olmazsam eylediğim da‘vâ tezvîre haml olunsun ve nikâhlım ise de fâriğ olayım deyip zikr olunan mehil tamâm olup yine şâhidlerin getirmediği mezbûr Manol talebiyle kayd olundu. Şuhûdü’l-hâl: Manol Dimitri [v] Goridavi, Manol, Aleksi v. Yani ve gayruhüm