Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 283 Hüküm no: 449 Orijinal metin no: [42b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mesih b. Abdullah’ın, evini Mesud Çelebi b. Murad Halîfe’ye sattığı Sultan Tepesi sâkinlerinden olup fevt olan Mesih b. Abdullah nâm müteveffânın vasîyy-i muhtârı olan Mevlânâ Murad Halîfe mahfil-i kazâda işbu Mesud Çelebi b. el-mezbûr Murad Halîfe mahzarında ikrâr ve takrîr-i merâm kılıp mahalle-i mezbûrede vâki‘ inde’l-cîrân ma‘lûmetü’l-hudûd olan iki odayı ve zulleyi ve bahçeyi ve kuyuyu müştemil olan müteveffâ-yı mezbûrun evi beyne’t-tâlibîn ve’r-râgıbîn müzâyede olundukda on bin akçe de mezbûr Mesud Çelebi’nin üzerinde karâr edip rağbet-i nâs münkatı‘ oldukdan sonra meblağ-ı mezbûra menzil-i merkūmu bey‘ edip kabz-ı semen ve teslîm-i mebî‘ kıldım dedikde mukırr-ı mezbûrun ikrâr-ı meşrûhunu mukarrun lehü’l-merkūm vicâhen ve şifâhen tasdîk eylediği kayd olundu. Şuhûdü’l-hâl: Mevlânâ Ahmed Efendi el-cündî, Müstedâm Bey el-cündî, Hüseyin b. Sâdık, Süleyman b. Pîrdede, Mehmed b. Behrâm, Ali Çelebi b. Mahmud