Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 286 Hüküm no: 459 Orijinal metin no: [43b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Öldürülen Râziye bt. Musa Reis’in çocuğuna, eşi İmirza Reis b. Maksud’un vasî tayin edildiği Oldur ki Bundan akdem kallâblıkda bulunup siyâseten katl olunan Râziye bt. Musa Reis nâm hâtunun sagīr oğluna anasından irs-i şer‘le intikāl eden hisse-i şer‘iyyesini görüp gözetip ve sâir havâyic-i zarûriyetlerini zabt ve siyânet etmeğe kıbel-i şer‘den vasî nasb olunmak lâzım ve lâbüd olup işbu müteveffât-ı mezbûrenin zevci olup sagīr-i mezbûrun babası olan İmirza Reis b. Maksud nâm kimesne kıbel-i şer‘den vasî nasb olunup ol dahi vesâyet-i merkūmeyi kabûl edip hizmet-i lâzımesin uhdesine aldıkdan sonra mâ vaka‘a ketb olundu. Fi’t-târihi’l-mezbûr. Şuhûdü’l-hâl: Müstedâm Bey, Muttalib b. Süleyman, Hasan b. Resûl, Sefer b. Budak ve Şemseddin b. Budak