Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 287 Hüküm no: 460 Orijinal metin no: [43b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İdam edilen Râziye’nin eşya ve erzaklarını, eşinin geri aldığı Oldur ki Bundan akdem kallâblıkda ahz olunup siyâseten katl olunan Râziye’nin zevci olup katîl-i mezbûrenin sagīr oğluna vasî nasb olunan İmirzâ Reis b. Maksud nâm kimesne mahfil-i kazâda Üsküdar subaşısı olan fahrü’l-akrân Müstedâm Bey b. Abdülmennân mahzarında ikrâr ve takrîr-i kelâm kılıp mezbûr Müstedâm Bey merkūme zevcem Râziye kallâblıkda tutuldukta sadrazam tarafından fermân-ı âlîşânla evimde olan hâtunumun ve benim esbâb ve erzâkım Ömer Subaşı b. Veli nâm kimesne yedinde emânet vaz‘ olunmuş idi hâlâ mezbûr Müstedâm Bey yedinden ol evin içinde bulunup mezbûr Ömer Subaşı’ya emânet vaz‘ olunan esbâbı ve erzâkım küllî ve cüz’î her ne ise bi’t-tamâm ve’l-kemâl alıp kabz edip mezbûr Müstedâm Bey’in ve merkūm Ömer Subaşı’nın zimmetlerini ibrâ’-yı âmla ibrâ’ ve iskāt eyledim dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ve tahkīk eylediği kayd şud. Şuhûdü’l-hâl: Muttalib b. Süleyman, el-Hâc Hüseyin b. Mustafa, Hasan b. Sâdık, Sefer b. Abdullah ve gayruhüm