Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 288 Hüküm no: 463 Orijinal metin no: [43b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe ve Teslime bt. İsa’nın, babalarından kalan tarlaların tasarruf hakkını İskender Bey b. Abdullah’a sattıkları Kefçe mahallesi sâkinelerinden Ayşe ve Teslîme bt. İsa nâm hâtun[lar] tarafından husûs-ı âtîye İskender Bey b. Alican ve Mustafa b. Abdullah nâm kimesneler şehâdetleriyle vekâleti sâbite olan Zeyni bt. Hızır Bâli mahfil-i kazâda işbu hâmilü’l-kitâb İskender Bey b. Abdullah mahzarında ikrâr edip müvekkilelerimin Eşikli nâm karyeden ve Aydınlı nâm karyede ve mevkūfât yerinde vâki‘ tarlalarının ki babalarından ve gayrıden kalmışdır ve bi’l-cümle sâhib-i arz ma‘rifetiyle hakk-ı tasarrufunu mezbûr İskender Bey’e tefvîz ve mukābele-i tefvîzde bin dokuz yüz akçesin alıp zikr olunan yerleri mezbûre teslîm eyledim ol dahi kabz ve tesellüm eyledi dedikde mukırr-ı mezbûrun vech-i meşrûh üzre vâki‘ olan ikrârını mukırr-ı mezbûr İskender Bey bi’l-muvâcehe ve’l-müşâfehe tasdîk ve tahkīk eylediğin mâ vaka‘a bi’t-taleb kayd olundu yed-i tâlibe vaz‘ u def‘ olundu. Fi’t-târihi’l-mezbûr. Şuhûdü’l-hâl: Muttalib b. Süleyman, Hasan b. Sâdık, Mehmed b. Behrâm, Şemseddin b. Sâdık ve gayruhüm