Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 425 Hüküm no: 776 Orijinal metin no: [74a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cemile bt. Abdullah’ın, Mehmed Bey b. Mustafa’dan borç alıp, evini rehin verdiği Budur ki Sicill-i sâbıkda mastûr olan Cemile mahfil-i kazâda bâ‘isü’l-hurûf Mehmed Bey b. Mustafa mahzarında ikrâr ve takrîr-i kelâm edip mezbûr Mehmed Bey’den karz otuz bin beş yüz nakd râyic fi’l-vakt akçe[ye] alıp mukābelesinde Hâcce Hâtun mahallesinde vâki‘ inde’l-ahâlî ma‘lûmü’l-hudûd mülk evimi rehin verdim dedikde mukırr-ı mezbûrenin vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Şuhûdü’l-hâl: Mehmed b. Behrâm, Müstedâm Bey b. Abdullah, Ahmed Bey [b.] Abdullah ve gayruhüm