Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 425 Hüküm no: 777 Orijinal metin no: [74a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamza b. Sefer’in, zorla parasını alan Mustafa Bey b. Abdullahla anlaştığı Südde-i sa‘âdetten Aydın Çavuş mübâşeretiyle Beyşehri kazâsından Demir nâm karyeden Hamza b. Sefer nâm kimesne mahfil-i kazâda Beyşehri beyi olan kıdvetü’l-ümerâi’l-kirâm umdetü’l-küberâi’l-fihâm Mustafa Bey b. Abdullah tarafından husûs-ı âtîye nehc-i şer‘le vekâleti sâbite olan Mehmed Çelebi b. Hasan mahzarında ikrâr ve takrîr-i merâm kılıp mûmâileyh Mustafa’nın benden bî-vech ve bilâ-sebeb otuz binden ziyâde akçem almışdı hâlâ da‘vâ ve taleb eylediğimde müslimûn-ı muslihûn mâ-beynimizi ıslâh edip bana bedel-i sulh on sekiz bin akçe verdiler ben dahi bedel-i sulh olan on sekiz bin akçeyi alıp ba‘de’l-yevm Musa Bey’in zimmetini husûs-ı mezbûra müte‘allik da‘vâdan ve nizâ‘dan ibrâ’ ve iskāt eyledim eğer ba‘de’l-yevm da‘vâ edersem inde’l-hükkâmil-kirâm nâ mesmû‘ ola dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe tasdîk eylediği kayd şud. Şuhûdü’l-hâl: Şaban Efendi, Muslihiddin Efendi, Müstedâm Bey, Hamza Subaşı ve gayruhüm