Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 426 Hüküm no: 780 Orijinal metin no: [74a-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kurd Beşe’nin, Toma v. Kosta’daki alacağını tahsil ettiği Kurd Beşe er-râcil mahfil-i kazâda bâ‘isü’l-hurûf Toma v. Kosta nâm zimmî mahzarında ikrâr ve takrîr-i kelâm edip bundan akdem mezbûr Toma’dan sekiz bin akçe hakkım vardır deyu da‘vâ ve nizâ‘ eylemiş idim müslihûn tavassut edip dört bin akçeye ibrâ ve islâh edip bedel-i sulh olan sekiz bin akçeyi mezbûr Toma yedinden aldım mezbûrun zimmetini sekiz bin akçe husûsiçin ibrâ’-i âm ile ibrâ’ eyledim ba‘de’l-yevm benden veya vekîlimden da‘vâ sâdır olursa lede’l-hükkâm istimâ‘ olunmaya dedikde gıbbe’t-tasdîk kayd olundu. Tahrîren fî evâsıtı Muharremi’l-harâm sene ihdâ ve elf. Şuhûdü’l-hâl: Müstedâm Bey el-cündî, Hüseyin [b.] Behrâm, Alagöz er-râcil