Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 429 Hüküm no: 788 Orijinal metin no: [75a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Ahmed’e küfür ve iftira eden Derviş b. Mustafa’nın mahalle halkından soruşturulması Mahrûse-i Üsküdar’da Kefçe mahallesi sâkinelerinden Hatice bt. Ahmed nâm hâtun meclis-i şer‘de yine mahalle-i mezbûreden Derviş b. Mustafa mahzarında takrîr-i da‘vâ kılıp mezbûr Derviş bana fâhişe ve kahbe dedi dâimâ beni rencîde ettiğinden mâ‘adâ cümle ahâlî elinden âcizlerdir dedikde gıbbe’s-suâl ve akībe’l-inkâr müdde‘iyye-i mezbûrenin da‘vâsına muvâfık beyyine taleb olundukda ikāmet-i beyyineden âcize olup merkūm Derviş’in keyfiyet-i hâlî ahâlî-i mahalleden suâl olundukda mahalle-i mezbûreden Ali b. Abdullah Mehmed Bey b. Abdullah ve topçular bölükbaşı Mehmed Bey ve Ahmed b. Ali ve Mahmud Halîfe b. İlyas ve Mehmed b. Karagöz ve Pîrî Bey el-cündî Mustafa Bey er-râcil ve İbrahim Çelebi b. Mehmed Bey ve Mehmed Bey ve Mehmed b. Mustafa ve Receb b. Durmuş ve sâir ahâlî-i mahalle-i mezbûre meclis-i şer‘de fi’l-hakīka mezbûr Derviş kendi hâlinde mütedeyyin ve müstakim kimesnedir hayli müddetdir mahallemizdedir biz bunun kemliğin görmedik deyu alâ vechi’ş-şehâdet haber verdiklerinde mâ vaka‘a kayd şud. Şuhûdü’l-hâl: Mehmed b. Pîr, Mustafa b. Ali, Mustafa b. Mehmed, Mustafa b. Abdullah el-cündî, Mehmed b. Behrâm, Mustafa b. Mehmed ve gayruhüm