Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 430 Hüküm no: 789 Orijinal metin no: [75a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Ahmed’in, Râbia bt. Bünyad’a kahpe dediği Mahrûse-i Üsküdar’a tâbi‘ Kefçe mahallesinde mütemekkin Râbia bt. Bünyad nâm hâtun tarafından husûs-ı âtîye (…) ve Mehmed b. Karagöz şehâdetleriyle vekâleti sâbite olan zevci Derviş b. Mustafa (…) mahalle-i mezbûreden Hatice bt. Ahmed nâm hâtun mahzarında takrîr-i merâm ve bast-ı kelâm (…) zevcem merkūme Râbia’ya kahbe dedi şer‘le vekâletim hasebiyle taleb eylerim (…) akībe’l-inkâr müdde‘î-i merkūm Derviş’in da‘vâsına muvâfık beyyine taleb olundukda udûl ve sikāt-ı muvahhidînden Mehmed Bey [b.] Abdullah ve Mehmed Bey b. Karagöz nâm kimesneler fi’l-vâki‘ (…) Derviş’in müvekkilesi mezbûre Râbia’ya bizim yanımızda kahbe dedi biz bu husûsa (…) şehâdet dahi eyleriz dediklerinde şâhidân-ı mezbûrânın şehâdetleri hayyiz-i (…) olundukdan sonra mâ vaka‘a bi’t-taleb kayd olundu. Şuhûdü’l-hâl: (…) Mustafa b. Abdullah, Mehmed b. Behrâm, Muttalib b. Süleyman ve gayruhüm