Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 433 Hüküm no: 799 Orijinal metin no: [76a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muharrem b. Mehmed’in tasarrufundaki yerlere Ramazan b. Durmuş’un müdâhalesinin engellenmesi Mahrûse-i Üsküdar’a tâbi‘ Samandıra’dan Ramazan b. Durmuş mahfil-i kazâda karye-i merkūmeden Muharrem b. Mehmed nâm kimesne mahzarında takrîr-i merâm kılıp karye-i merkūmeden inde’l-cîrân ma‘lûmetü’l-hudûd sekiz akçe kulluk olup nice zamân babam elinde ve ondan sonra benim elimde olan yerlerin mezbûr Muharrem tasarrufuna mâni‘ olup suâl olunmasın taleb eylerim dedikde gıbbe’s-suâl mezbûr Muharrem bi’l-mukābele zikr olunan yerler nice zamândır babamın tasarrufunda idi babam fevt olup hâlâ ben tasarruf ederim on yıldan mütecâvizdir deyu cevâb vericek müdde‘î-i merkūm Ramazan nefsü’l-emr zikr olunan yerler on yıldan ziyâdedir Muharrem’in tasarrufundadır deyicek mezbûr Ramazan mu‘ârazadan men‘ olundu. Tahrîren fî evâhiri Zilhicceti’l-harâm sene elf. Şuhûdü’l-hâl: Hasan b. Sâdık, Muttalib b. Süleyman, Şemseddin b. Sâdık ve gayruhüm