Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 270 Hüküm no: 553 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Paşa Vakfı’ndan birbirlerine kefâletle Kosta, babası Dimitri ve Yorgi b. Manol’un ortaklaşa aldıkları borçdan dolayı Dimitri’nin hapiste bulunduğu Yevmü’l-ehad, fî 17 Vech-i tahrîr-i sicil oldur ki Beşiktaşı’ndan Kosta b. Dimitri nâm Nasrânî Yorgi b. Manol mahfil-i şer‘-i şerîfe ihzâr ve üzerine takrîr-i da‘vâ bundan akdem mefharü’l-ümerâ İbrahim Paşa Vakfı’ndan beş bin akçe babam Dimitri ile üçümüz alıp kabûl edip iki bin akçesi mezbûr Yorgi zimmetinde ve bende bin beş yüz ve babam zimmetinde bin beş yüz olup cümlemiz birbirimize kefîl olup hâliyâ babam Dimitri bundan ötürü habsdir dedikde gıbbe’s-suâl mezbûr Yorgi mezbûr Kosta’nın takrîr-i mezbûrunu vicâhen kabûl ve tasdîk ve ikrâr ile cevâb verip mâ vaka‘a bi’t-taleb kayd olundu. Şuhûd: Şuhûdü’l-mezbûre.