Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 272 Hüküm no: 558 Orijinal metin no: [73a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Paşa Vakfı’nın Yorgi b. Manol zimmetinde kalan 2.280 akçe alacağının Divane Todora b. Yorgi İskender tarafından ödendiği Yevmü’l-isneyn, fî 18 Vech-i tahrîr-i sicil oldur ki Mefharü’l-ümerâ İbrahim Paşa Evkāfı’na hâliyâ câbî olan Keyvan b. Abdullah mahfil-i şer‘a hâzır olup Beşiktaş’dan Dîvâne Todora b. Yorgi İskender nâm Nasrânî mahzarında ikrâr-ı şer‘î kılıp bundan akdem evkāf-ı mezbûreden Yorgi b. Manol zimmetinde asl-ı mâldan, ribhden cem‘an iki bin iki yüz seksen dokuz akçeyi işbu hâmilü hâze’s-sicil Dîvâne Yorgi [veledi] Todora elinden meblağ-ı merkūmu bî-kusûr alıp kabûl [ve] kabz etdim dedikde mukırr-ı mezbûrun ikrâr ve kavl-i meşrûhunu mezbûr Dîvâne Todora vicâhen kabûl ve tasdîk edip mâ vaka‘a bi’t-taleb kayd olundu. Tahrîren fî evâsıtı Zilhicce sene 967. Şuhûd: İskender Bey b. Abdullah, Ramazan b. Mahmud, Mu‘allim Cafer Halîfe b. Mehmed, Mehmed b. Mustafa el-muhzır ve gayruhüm.