Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 278 Hüküm no: 573 Orijinal metin no: [75b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kanki Reis b. Yorgi’nin 130 akçe navlun ücretini ödemesi için Kömürcü Nikola b. Kosta’ya yirmi gün süre verildiği Vech-i tahrîr-i sicil oldur ki Kanki Reis b. Yorgi, Nikola b. Kosta nâm kömürcü[yü] mahfil-i şer‘a ihzâr etdikde üzerine takrîr-i da‘vâ edip bundan akdem kasaba-i Şili’den medîne-i Galata’ya götürmek için yüz otuz akçeye kömürünü getirdim idi ol zamandan beri gaybet etdi hâliyâ buldum meblağ-ı [mezbûr] yüz otuz akçe taleb ederim deyicek gıbbe’s-suâl mezbûr Nikola ba‘de’l-inkâr ikrâr ile cevâb verdikde târih-i sicilden yirmi gün va‘ade-i şer‘iyye verip mezbûr Nikola talebiyle kayd olundu. Tahrîren fi’l-yevmi’r-râbi‘ ve’l-ışrîn min şehri Zilhicce sene 967. Şuhûd: Ferruh b. Abdullah, Mehmed b. Mustafa el-muhzır, Mitranos b. Mano.