Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 280 Hüküm no: 578 Orijinal metin no: [76a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani b. Kosta ve Yani b. Kosta’nın somun bedelinden Yorgi b. Yani’de doksan beş akçe alacakları olduğu Vech-i tahrîr-i sicil oldur ki Yani b. Kosta ve Yani b. Kosta nâm kimesneler Yorgi b. Yani[‘yi] mahfil-i şer‘a ihzâr edip bundan akdem Mustafa Çelebi fırınında Somuncu Şokoloz yüz filori sermâyeyi mezbûr Mustafa Çelebi’den alıp biz kefîl bi’l-mâl olup mezkûr gaybet edip biz kefâleten yüz filori[ye] zâmin olduk idi hâliyâ işbu Yorgi zimmetinde somun bahâsından doksan beş akçe vardır taleb ederiz deyicek gıbbe’s-suâl mezbûr doksan akçeyi ikrâr edip vâkı‘â doksan akçe zimmetimdedir fe-ammâ ben ulûfeme düşdüm idi böyle idiğini bilmediğine mezbûr Yani yemîn etsin deyicek mezbûr Yani yemîn edip meblağ-ı mezkûr mezbûr Yorgi üzerinden hükm olundu. Tahrîren fi’t-târihi’l-mezbûr. Şuhûd: Ramazan b. Mahmud, Hüseyin b. Abdullah, Andon b. İstemad, Konduk b. Yorgi ve gayruhüm.