Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 281 Hüküm no: 580 Orijinal metin no: [76b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andreya b. Dimo Londi’nin somun bedelinden Somuncu İstadi b. Yorgi’ye elli yedi akçe borcu olduğunu ikrâr ettiği Vech-i tahrîr-i sicil oldur ki Beşiktaşı’ndan Somuncu İstadi b. Yorgi, Andreya b. Dimo Londi[‘yi] mahfil-i şer‘a ihzâr ve üzerine takrîr-i da‘vâ, bundan akdem bir köski demir bel ve araba, bir kazma, bir tencere bu cümle esbâbı işbu Andreya bende rehin koyup doksan akçelik somun verdim idi hâliyâ meblağ-ı mezkûru taleb ederim dedikde gıbbe’s-suâl mezbûr Andreya ikrâr ile cevâb verip vâkı‘â mezkûr esbâbları rehin koyup elli yedi akçelik somun aldım gayrı nesne bilmezin dedikde mukırr-ı mezbûrun ikrârı mezbûr Somuncu İstadi talebiyle kayd olundu. Tahrîren fî evâili Muharrem li-sene 968 Şuhûd: Ferruh b. Abdullah, Mehmed b. Mustafa el-muhzır, Kondi b. Andreya, Kondi b. Dode ve gayruhüm.