Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 281 Hüküm no: 582 Orijinal metin no: [76b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kanki Reis b. Yorgi’nin Nikola b. Kosta’da navlundan olan 130 akçe alacağı için Todora b. Yorgi ile 80 akçeye sulh olup Nikola’nın zimmetini ibrâ ettiği Yevmü’s-sebt, fî 8 Vech-i tahrîr-i sicil oldur ki Kanki Reis b. Yorgi meclis-i şer‘a hâzır olup Todora b. Yorgi mahzarında ikrâr ve i‘tirâf edip bundan akdem Nikola b. Kosta nâm kömürcü zimmetinde yüz otuz akçe hakkım vardı hâliyâ yüz otuz akçeyi işbu Todora ile seksen akçeye sulh edip bedel-i sulh seksen akçeyi alıp kabûl [ve] kabz edip mezkûr Nikola’nın bâkī navlundan zimmetini ibrâ ve ıskāt etdim ba‘de’l-yevm da‘vâm ve nizâ‘ım yokdur dedikde mukırr-ı mezbûrun ikrâr[ını] mezbûr Todora kabûl ve tasdîk edip mâ vaka‘a bi’t-taleb kayd olundu. Tahrîren fi’t-târihi’l-mezbûr. Şuhûd: Ferruh b. Abdullah, Mehmed b. Mustafa el-muhzır havâle ve gayruhüm.