Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 282 Hüküm no: 583 Orijinal metin no: [76b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Polo b. Mihal’in Todora b. Manol’a selem akdi ile yüz müdre şıra vereceğini ikrâr ettiği Yevmü’l-ehad, fî 9 Vech-i tahrîr-i sicil oldur ki Todora b. Manol nâm Nasrânî Polo b. Mihal an-karye-i Tatavla nâm Nasrânî[yi] mahfil-i şer‘a ihzâr etdikde üzerine takrîr-i da‘vâ bundan akdem bi tarîki’s-selem işbu Polo’ya beş yüz akçe verip yeni şırada müdresini beşer akçeye hâliyâ va‘ade-i şer‘îmiz geldi şıra[dan] yüz müdreyi taleb ederim deyicek gıbbe’s-suâl mezbûr Polo an-tav‘in ikrâr ile cevâb verip mâ vaka‘a bi’t-taleb kayd olundu. Tahrîren fî evâili Muharremi’l-harâm sene 968. Şuhudu: Cafer Halîfe b. Pir Mehmed el-mu‘allim, Mehmed b. Mustafa el-muhzır, Aleksi b. Yani.