Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 223 Hüküm no: 277 Orijinal metin no: [82b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaçtıktan sonra yakalanıp subaşıya teslim olunan Habeş asıllı cariye Anber için nafaka tayini Bi’l-fi‘il kasaba-i Beşiktaş subaşısı ve abd-i avâbık zâbiti olan Ali Bey b. Kemal mahfil-i kazâda işbu orta boylu açık kaşlı Habeşiyyetü’l-asl Anber bt. Abdullah nâm câriyeyi ihzâr ve muvâcehesinde takrîr-i kelâm edüp câriye-i mezbûreyi târih-i kitâb gecesi kasaba-i mezbûrede Kılıç Ali Paşa Sarayı’nda Kenan Ağa nâm kimesnenin yedinden ahz eyledim suâl olunup rıkkına ve ibâkına i‘tirâfından sonra mevlâsı zâhir veya müddet-i örfiyesi tamâm oluncaya bana teslîm olunup nafaka takdîr olunmasın taleb ederim dedikde câriye-i mezbûre istintâk olundukda cevâbında mahmiye-i İstanbul’da Şehzâde kurbünde Kemal Çelebi nâm kimesnenin câriye-i memlûkesi olup ve mülkünden ibâk edüp mezbûr Kenan Ağa’nın menziline geldim deyü rık ve ibâkına mu‘terife olmağın câriye-i mezbûrenin mevlâsı zuhûr edinceye mezbûr Ali Bey’e teslîm ve nafakası için yevmî altışar akçe farz ve takdîr olunmağın mâ-vaka‘a bi’t-taleb ketb olundu. Fi’l-yevmi’l-hâmis aşer min-Zilka‘deti’ş-şerîfe li-seneti’l-mezbûre. Şühûdü’l-hâl: Huddâm.