Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 228 Hüküm no: 285 Orijinal metin no: [84a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaçak köle zannıyla yakalanan mühtedî Mustafa’nın hür olduğu anlaşılıp Meryem bt. Abdullah’a teslim edildiği Mahrûse-i Galata hâricinde Yahya Çelebi mahallesi sâkinlerinden Hâcce Kamer bt. Kurd nâm hatunun tarafından husûs-ı âti’l-beyâna vekîl olup mezbûreyi ma‘rifet-i şer‘iyye ile ârifân olan Mehmed b. Ramazan ve Cafer b. Mehmed nâm kimesneler şehâdetleri ile şer‘an vekâleti sâbite olan Meryem bt. Abdullah nâm hatun mahfil-i kazâda mahrûse-i mezkûre muzâfâtından kasaba-i Beşiktaş’da bi’l-fi‘il subaşı olan Ali Bey b. Kemal mahzarında bi’l-vekâle ikrâr ve takrîr-i kelâm edüp bundan akdem Vilâyet-i Rumeli’nde İbrail nâm kasabada sâkine Todara nâm Nasrâniye müvekkile-i mezbûreye bi-tarîki’t-tebennî teslîm eylediği sadrî sagīr oğlu Mustafa b. Abdullah nâm mühtedîyi mezbûr Ali Bey abd-i âbık olmak zu‘muyla ahz etmekle sagīr-i mezbûrun hürrü’l-asl olduğu mübeyyen olmağla hâlâ sagīr-i mezbûr Mustafa’yı merkūm Ali Bey vekâletim hasebi ile def‘ ve teslîm eylemeğin ben dahi yedinden ahz eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis min-Zilka‘deti’ş-şerîfe li-seneti’l-mezbûre. Şühûdü’l-hâl: Memi Efendi b. Abdullah, Abdülhalîm Çelebi [b.] Mehmed, Mustafa Beşe b. ( ), Hızır Efendi el-müderris, huddâm-ı mahkeme.