Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 232 Hüküm no: 292 Orijinal metin no: [85a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Rıdvan’ın merhum kocası Mustafa’nın muhallefatından mehrini ve miras hissesini tahsil ettiği Mahrûse-i Galata muzâfâtından kasaba-i Beşiktaş’da Arab İskelesi mahallesinde sâkin iken bundan akdem müteveffâ olan Mustafa b. Mehmed’in verâseti zevce-i metrûkesi Fâtıma bt. Rıdvan nâm hatuna ve sulbî sagīr oğlu Mehmed’e münhasıra olduğu şer‘an zâhir ve mütehakkık oldukdan sonra mezbûre Fâtıma meclis-i şer‘-i hatîr-i lâzımü’t-tevkīrde sagīr-i mezbûrun ammisi ve tesviye-i umûruna kıbel-i şer‘den mansûb vasîsi ve muhallefât-ı müteveffâ-yı mezbûra vâzı‘ü’l-yed olan işbu râfi‘ü’l-kitâb Abdullah b. Mehmed mahzarında bi-tav‘ihâ ikrâr ve takrîr-i kelâm edüp zevcim müteveffâ-yı mezbûrun zimmetinde ma‘kūdün-aleyh olan sekiz yüz akçe mehr-i müsbet-i [85b] mü’eccelim ile sümün hisse-i şer‘iyye-i ma‘lûmemi vasiyy-i mezbûr Abdullah Beşe yedinden muhallefât-ı müteveffâ-yı merkūmdan beş yüz akçe alıp kabz eyleyüp mâ‘adâdan sagīr-i mezbûrun zimmetini ibrâ-i âmm-ı kātı‘u’n-nizâ‘ ile ibrâ ve ıskāt eyledim dedikde gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fi’l-yevmi’l-hâmis ve’l-ışrîn min-Zilka‘deti’ş-şerîfe li-seneti’l-mezbûre. Şühûdü’l-hâl: es-Sâbikūn.