Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 236 Hüküm no: 298 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Abdullah’ın mehir ve nafaka hususunda boşandığı kocası Hacı Şaban b. Hasan’ın zimmetini ibra ettiği Mahrûse-i Galata’ya tâbi‘ kasaba-i Beşiktaş’da Sinanpaşa mahallesi sâkinelerinden Fâtıma bt. Abdullah nâm hatun meclis-i şer‘-i hatîr-i lâzımü’t-tevkīrde zevc-i mutallıkı işbu râfi‘ü’l-kitâb el-Hâc Şaban b. Hasan mahzarında bi-tav‘ihâ ikrâr-ı tâm ve takrîr-i kelâm edüp târih-i kitâb senesi şehr-i Ramazânı’nın yirminci günü mezbûr el-Hâc Şaban ile zimmetinde ma‘kūdün-aleyh olan bin fıddî râyicü’l-[fi’l]-vakt akçe mehr-i mü’eccelim ve nafaka-i iddet-i mu‘ayyenem ve me’ûnet-i süknâm üzerine huzûr-ı Müslimînde muhâla‘a-i sahîha-i şer‘iyye ile hul‘ olup zevciyyete müte‘allika âmme-i de‘âvîden herbirimiz âharın zimmetini ibrâ ve ıskāt etmişdik el-hâletü hâzihî mezbûr ile mehr-i mersûme ve nafaka-i iddetime ve me’ûnet-i süknâma müte‘allika da‘vâ ve nizâ‘ım yokdur dedikde gıbbe’t-tasdîki’ş-şer‘î vicâhen ve şifâhen mâ-vaka‘a bi’t-taleb ketb olundu. Fî gurreti şehri Zilhicceti’ş-şerîfe li-sene isneteyn ve sittîn ve elf. Şühûdü’l-hâl: Numan b. İbrahim, Süleyman b. Halil, el-Hâc Mehmed b. el-Hâc Mahmud, el-Hâc Abdi b. Mustafa, Mahmud b. Ebîbekir, Mustafa b. Mehmed ve gayruhüm.