Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 239 Hüküm no: 303 Orijinal metin no: [87a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia bt. Yakub’un Kuruçeşme köyündeki arsasını Neslihan bt. Abdullah’a sattığı Mahrûse-i Galata muzâfâtından kasaba-i Beşiktaş’a tâbi‘ Kuruçeşme nâm karye sâkinlerinden Râbia bt. Yakub nâm hatun mahfil-i kazâda işbu râfi‘atü’l-kitâb Neslihân bt. Abdullah nâm hatun mahzarında ikrâr ve takrîr-i kelâm edüp karye-i mezbûrede vâki‘ lede’l-ahâlî ve’l-cîrân ma‘lûmü’l-hudûd menzilimin taraf-ı garbîsinde vâki‘ iki tarafı kendi menzilim ve bir tarafı Safer Reis mülkü ve bir tarafı tarîk-i âm ile mahdûd tûlen on dokuz zirâ‘ ve arzen bir buçuk zirâ‘ arsamı mezbûreye bin beş yüz akçeye bey‘ ve teslîm edüp ol dahi vech-i muharrer üzere iştirâ ve tesellüm eyledikden sonra semeni olan meblağ-ı mezbûru yedinden bi’t-tamâm ve’l-kemâl ahz u kabz eyledim ba‘de’l-yevm arsa-i mezkûre [87b] merkūme Râbia’nın mülk-i müşterâsı olmuşdur keyfe mâ teşâ ve tehtâr mutasarrıfe olsun dedikde gıbbe’t-tasdîki’ş-şer‘î mâ-vaka‘a kayd şüd. Tahrîren fi’l-yevmi’s-sâbi‘ min-Zilhicceti’ş-şerîfe li-sene isneteyn ve sittîn ve elf. Şühûdü’l-hâl: Mehmed Beşe b. Kurt, Mehmed Beşe b. Murad, Ömer Çelebi b. Hüseyin, Mustafa Efendi b. Halil, Hasan Ağa b. Abdullah.