Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 240 Hüküm no: 305 Orijinal metin no: [87b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Belkıs Hatun ve oğullarının kölelerini azad ettikleri Hâl-i hayâtında mahrûse-i Galata muzâfâtından Beşiktaş kasabası mahallâtından Sinan Paşa-yı Cedîd mahallesinde sâkin iken bundan akdem vefât eden Sarı Ali Kapudan b. Bayram nâm kimsenin verâsetinin Belkıs Hatun bt. Abdullah nâm zevcesine ve Halil ve Mehmed nâm sagīreyn oğullarına münhasır olduğu zâhir ve müte‘ayyin oldukda, mezbûrûn Belkıs Hatun ve Halil ve İbrahim kıbellerinden husûs-ı âti’l-beyâna vekâleti Ahmed Reis b. Mehmed ve Şa‘bân b. Abdullah nâm kimselerin şehâdeti ile sâbit olan Ali Efendi b. Yusuf nâm kimse meclis-i şer‘-i şerîfde şöyle ikrâr ve i‘tirâf etti ki, müvekkilûn-ı mezbûrûn, müteveffâ-yı mezkûrdan irs-i şer‘î ile kendilerine intikāl eden ve kendilerine rıkkını mu‘terif olan, açık kaşlı, elâ gözlü, orta boylu, Rusiyyü’l-asl hâmil-i hâze’l-kitâb Miro v. ( ) nâm abd-i memlüklerini âzâd ve tahrîr ettiler. Abd-i mezbûr ba‘de’l-yevm sâir ahrâr-ı asliyyîn-i mükellefîn gibi hür olup üzerinde hakk-ı velâdan gayrı hak bâkī kalmadı. Cerâ zâlike ve hurrire fi’l-yevmi’s-sâbi‘ aşere min-Zilhicceti’ş-şerîfe li-seneti’l-mezbûre. Şühûdü’l-hâl: Yusuf b. Abdullah, Halil b. Ebîbekir, Ramazan b. Receb, Mustafa Dede b. ( ), hüddâm