Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 241 Hüküm no: 307 Orijinal metin no: [88a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Ahmed’in kocası Recep ile anlaşarak boşandığı (muhâla‘a) Mahmiye-i Galata tevâbi‘inden kasaba-i Beşiktaş mahallâtından Sinanpaşa mahallesinde sâkine Hadice bt. Ahmed nâm hatun meclis-i şer‘-i şerîfe hâzıra olup hâmil-i hâzihi’l-vesîka Receb b. Muharrem nâm zevci ile muhâla‘a ettiğini ikrâr eyledi. Zevc-i mezbûr dahi nikâhında ma‘kūdün-aleyh râyicü’l-vakt üç bin yüz akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Hadice hatun bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’l-hâmis aşere min-Zilhicceti’ş-şerîfe li-sene isneteyn ve sittîn ve elf. Şühûdü’l-hâl: Mehmed Ağa b. Ali el-cündi, Ali b. Mahmud, Ahmed Çelebi b. İbrahim ekmekçi, Halil Çelebi b. Mustafa, Ahmed b. Mehmed, Mehmed b. Osman, hüddâm