Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 245 Hüküm no: 312 Orijinal metin no: [89a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ömer b. Bahaeddin’in et bedelinden Kasap Kanber v. Mihalaki’ye olan borcunun bir kısmını havale yoluyla ödediği Kasab tâifesinden işbu râfi‘ü’s-sifr Kanber v. Mihalaki nâm zimmî meclis-i şer‘-i şerîf-i lâzımü’t-teşrîfde el-Hâc Ömer b. Bahâeddin nâm kimesne mahzarında üzerine da‘vâ ve takrîr-i kelâm edüp mezbûr el-Hâc Ömer zimmetinde beynimizde ma‘lûmü’l-vezn lahm-ı ganem bahâsından altı yüz otuz akçe hakkım olup hâlâ taleb eylediğimde edâdan imtinâ‘ eder suâl [olunup] alıverilmesi matlûbumdur dedikde gıbbe’s-suâl mezbûr el-Hâc Ömer cevâbında fi’l-vâki‘ müdde‘î-i mezbûr Kanber’e ber-vech-i muharrer beynlerinde ma‘lûmü’l-vezn lahm-ı ganem bahâsından altı yüz otuz akçe zimmetimde lâzımü’l-edâ ve vâcibü’l-kazâ deyni olduğunu bi-tav‘ihî ikrâr ve i‘tirâf eyledikden sonra mezbûr el-Hâc Ömer meblağ-ı mezbûrdan üç yüz yetmiş beş akçesin işbu hâzır bi’l-meclis Yahya Çelebi b. Nasûh nâm kimesneden îcâb-ı muhîl ve kabûl-i muhtâl ve rızâ-i muhtâllün-aleyhi câmi‘a havâle-i sahîha-i şer‘iyye ile havâle etmeğin mâ-vaka‘a bi’t-taleb ketb olundu. Fî-evâhiri Zilka‘deti’ş-şerîfe li-seneti’l-mezbûre. Şühûdü’l-hâl: Mustafa Beşe b. Mehmed, Cafer b. Mehmed, Mehmed b. Ramazan, Mehmed Çelebi b. Mahmud.