Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 248 Hüküm no: 317 Orijinal metin no: [90a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Nikola v. Yorgi’nin Cigalazâde Bahçesi Üstadı Mustafa Ağa b. Yusuf’a bin üç yüz otuz akçe borcu olduğu Bostancı tâifesinden Nikola v. Yorgi nâm zimmî meclis-i şer‘-i hatîr-i lâzımü’t-tevkīrde hadâik-i sultâniyeden kasaba-i Beşiktaş’da vâki‘ Cigalazâde Bahçesi demekle ma‘rûf nâm hadîka üstâdı olan râfi‘ü hâze’l-kitâb Mustafa Ağa b. Yusuf tarafından ikrâr-i âti’l-beyânı tasdîka vekîl olup nehc-i mu‘teber-i şer‘î üzere şer‘an vekâleti sâbite olan Bayram Beşe b. Veli nâm bostanî mahzarında bi-tav‘ihî ikrâr ve takrîr-i kelâm edüp cihet-i deyn-i şer‘îden müvekkil-i mezbûr Mustafa Ağa’ya zimmetimde lâzımü’l-edâ ve vâcibü’l-kazâ bin üç yüz otuz fıddî akçe deynim vardır deyü ikrâr ve i‘tirâf eyledikde gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fi’l-yevmi’s-sâlis ve’l-ışrîn min-Zilhicceti’ş-şerîfe li-seneti’l-mezbûre. Şühûdü’l-hâl: Hüseyin Beşe b. Hasan, Mustafa Beşe b. Mehmed, Cafer b. Mehmed, Mehmed b. Ramazan, huddâm ve gayruhüm.