Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 253 Hüküm no: 326 Orijinal metin no: [91b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Piri Beşe b. Murad’ın Arnavutköyü’ndeki mülk bağını Molkik v. Tarador’a sattığı Mahrûse-i Galata muzâfâtından kasaba-i Beşiktaş’a tâbi‘ Kuruçeşme nâm karye sükkânından Pîrî Beşe b. Murad mahfil-i kazâda işbu râfi‘ü’s-sifr Molkik v. Tarador nâm Ermeni muvâcehesinde ikrâr ve takrîr-i kelâm edüp kasaba-i merkūmeye tâbi‘ Arnavudkarye bağları kurbünde vâki‘ bir tarafı Manolaki bağı ve bir tarafı Azador bağı ve iki tarafı tarîk-i âm ile mahdûd bir kıt‘a mülk bağımı mezbûr Molkik’e tarafeynden îcâb ve kabûlü hâvî yirmi üç buçuk kıt‘a riyâlî guruşa bey‘-i bâtt-ı sahîh-i şer‘î ile bey‘ ve teslîm-i mebî‘ eyleyüp ol dahi iştirâ ve tesellüm eyledikden sonra semeni olan meblağ-ı merkūm yirmi üç buçuk kıt‘a riyâlî guruşu mezbûrun yedinden ahz u kabz eyledim ba‘de’l-yevm zikr olunan bağ mezbûr Molkik’in mülk-i müşterâsıdır keyfe mâ yeşâ ve yehtâr mutasarrıf olsun dedikde gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min-Zilhicceti’ş-şerîfe li-sene isneteyn ve sittîn ve elf. Şühûdü’l-hâl: es-Sâbikūn.