Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 253 Hüküm no: 327 Orijinal metin no: [91b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani adlı küçüğün evlat edinildiği (tebennî) Hâkim-i hâsim-i muvakkı‘ a‘le’l-kitâb el-mütevakkı‘ bi-tevkī‘ihi’l-müstetâb, Ümmühani bt. Ali nâm sagīreyi, tebennî, terebbî ve iyâle maksadıyla mahrûse-i Galata muzâfâtından Beşiktaş kasabası tevâbi‘inden Kuruçeşme karyesinde sâkin hâmil-i hâze’l-kitâb Himmet Beşe b. Ebîbekir nâm kimseye teslîm etti. Hâkim-i mûmâ-ileyh sonra sagīre-i mezbûrenin nafakası, kisvesi ve sâir havâic-i zarûriyesi için zeyl-i kitâbda muharrer târihden itibaren yevmî râyicü’l-vakt üç akçe farz ve takdîr etti ve meblağ-ı mefrûzun sagīre-i merkūmenin havâicine sarfına ve vakt-i hâcetde istidâne edüp vakt-i zaferde sagīre-i mezkûreyi taleb ve ahz hakkı kimse âid ise o kimseye rücû‘a mesfûr Himmet Beşe’ye izin verdi. Cerâ zâlike ve hurrire fi’l-yevmi’t-tâsi‘ ve’l-ışrîn min-Zilhicceti’ş-şerîfe li-seneti’l-mezbûre. Şühûdü’l-hâl: Es-sâbikūn Temme’r-rakam ceffe’l-kalem harrerehü’l-fakīr Muhammed el-müvellâ hilâfeten bi-mahkemeti Beşiktaş sâbıkan