Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 259 Hüküm no: 336 Orijinal metin no: [93b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Efendi’nin bir Kuran-ı Kerim ile bazı eşyalarını cariyesi Saime’ye hibe ettiği Ve yine mûmâ-ileyh Mahmud Efendi mahfil-i kazâda işbu râfi‘atü’l-kitâb Sâime bt. Abdullah nâm câriye-i müdebberesi mahzarında ikrâr edüp silk-i mülkümde muntazam bir Mushaf-ı şerîf ve bir döşek ve bir yorgan ve bir velense ve iki yasdık ve bir sahan ve bir yahni tepsisi ve bir tencere ve bir kilim mülkümden ifrâz edüp müdebberem mezbûre Sâime’ye hibe-i sahîha-i şer‘iyye ile hibe ve temlîk ve teslîm ol dahi meclis-i hibede ittihâb ve temellük ve kabz eyledi dedikde kayd şüd. Şuhûd: es-Sâbikūn.