Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 260 Hüküm no: 338 Orijinal metin no: [94a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye Hatun’un boş arsasını kardeşi Durmuş’a on beş kuruşa sattığı Mahrûse-i Galata’ya tâbi‘ kasaba-i Beşiktaş’da Sinan Paşa-yı Cedîd mahallesinde sâkine Safiye Hatun mahfil-i kazâda li-ebeveyn karındaşı işbu râfi‘ü’l-kitâb Durmuş mahzarında ikrâr ve takrîr-i kelâm edüp akd-i âtî sudûruna değin taht-ı tasarrufumda mahalle-i mezbûrede vâki‘ bir tarafdan kendi mülküm ve bir tarafdan Ebe Havvâ Hatun mülkü ve bir tarafdan mescid-i şerîf vakfı ve bir tarafdan tarîk-i âm ile mahdûd silk-i mülkümden ifrâz edüp bir kıt‘a arsa-i hâliyemi karındaşım mezbûr Durmuş’a on beş kıt‘a riyâlî guruşa bâtten bey‘ ve teslîm-i mebî‘ ve kabz-ı semen edüp ba‘de’l-yevm zikr olunan arsa-i hâliye mezbûr Durmuş’un mülk-i müşterâsıdır keyfe mâ yeşâ ve yehtâr mutasarrıf olsun dedikde gıbbe’t-tasdîki’ş-şer‘î vicâhen mâ-vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min-Muharremi’l-harâm li-seneti’l-mezbûre. Şühûdü’l-hâl: Mustafa Çelebi b. Şaban, Ali Efendi b. Yusuf, Ali Beşe b. Abdullah, Halil b. Yahya, Hasan Reis b. Abdullah, huddam ve gayruhüm.