Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 266 Hüküm no: 348 Orijinal metin no: [95b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Üstad b. Yusuf’un mülk menzilini kızı Ayşe’ye hibe ettiği Mahrûse-i mezbûreye tâbi‘ kasaba-i merkūmede mahalle-i mezbûrede sâkin merkūm Mustafa Üstâd b. Yusuf tarafından vekîl olup vekîl-i mezbûr Hüseyin Beşe mahfil-i kazâda bi’l-vekâle sulbiye sagīre kızı Âişe mahzarında ikrâr-ı tâm ve takrîr-i kelâm edüp müvekkil-i mûmâ-ileyhin Kitehora nâm mevzi‘de vâki‘ bir tarafdan Mustafa Ağa odaları bazen Saray Ağası tarlası ve bir tarafdan sulbî oğlu Mehmed Çelebi’nin mülk-i mevhûbu ve iki tarafdan tarîk-i âm ile mahdûd iki bâb fevkānî ve on beş bâb tahtânî odaları ve kenîfi ve bi’r-i mâ’î ve zât-ı eşcâr-ı müsmire ve gayr-ı müsmire bir buçuk dönüm mikdârı bahçeyi müştemil mülk menzilini sulbiye sagīre kızı merkūme Âişe’ye hibe-i sahîha-i şer‘iyye ile hibe ve temlîk ve teslîm edüp ve yine meclis-i hibede velâyeti hasebi ile sagīre-i merkūme için ittihâb ve temellük ve tesellüm eyledi ba‘de’l-yevm zikr olunan on yedi fevkānî ve t ahtani odalar ile bahçe-i merkūme sagīre-i mezbûre Âişe’nin mülk-i mevhûbudur keyfe mâ teşâ ve tehtâr mutasarrıfe olsun dedikde gıbbe’t-tasdîki’ş-şer‘î vicâhen ve şifâhen mâ-vaka‘a bi’t-taleb ketb olundu. Fi’l-yevmi’l-ışrîn min-Saferi’l-hayr li-sene selâse ve sittîn ve elf. Şühûdü’l-hâl: es-Sâbikūn.