Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 266 Hüküm no: 349 Orijinal metin no: [96a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Nikola’nın bey‘ bi’l-istiğlâl yoluyla Yorgali v. Dimitri’den ödünç para aldığı Mahrûse-i Galata muzâfâtından Beşiktaş kasabası tevâbi‘inden Kuruçeşme karyesinde sâkin olan Yorgi v. Nikola nâm zimmî meclis-i şer‘-i şerîfe hâzır olup, işbu akdin kendilerinden sudûruna kadar mâliki olduğu ve taht-ı tasarrufunda bulundurduğu, karye-i merkūmede kâin, hudûdu bir tarafından cebel, bir tarafından Zahiriya v. Yorgi nâm zimmî mülkü, bir tarafından Yorgali v Dimitri nâm zimmî mülkü, bir tarafından tarîk-ı âm ile mahdûd bulunan cemî‘ menzilini cümle hudûdu ve kâffe-i hukūkuyla râyicü’l-vakt altı bin akçe semen-i mu‘ayyen-i makbûzla hâmil-i hâzihi’l-vesîka Yorgi v. İstavris nâm zimmîye îcâb ve kabûlü hâvî bey‘ ile bey‘ eyledi. O dahi kendi malıyla ve istiğlâl maksadıyla menzil-i mezbûru iştirâ eyledi. Bâyi‘-i mezbûrun istîcârı üzere müşterî-yi mezkûr zeyl-i vesîkada muharrer târîhden bir sene tamâmına dokuz yüz akçe ücret-i kirâ ile menzil-i mezkûru ba‘de’t-tahliye ve’t-tekābüz, kendisine icâreye verdi. Vâki‘ ikrâr müşterî-yi mezbûr tarafından vicâhen ve şifâhen tasdîk edildi. Cerâ zâlike ve hurrire fi’l-yevmi’l-hâdî ve’l-ışrîn min-Saferi’l-hayr li-seneti’l-mezbûre. Şühûdü’l-hâl: Mustafa Efendi el-imâm, Derzi Mehmed b. Şa‘bân, Derzi İsmail b. Hasan, Süleyman b. Abdullah, Hızır Efendi el-müderris, hüddâm