Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 267 Hüküm no: 350 Orijinal metin no: [96a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Abdullah’ın kocası Ramazan ile anlaşarak boşandığı (muhâla‘a) Beşiktaş kasabası tevâbi‘inden Ortaköy karyesinde sâkine Fâtıma bt. Abdullah nâm hatun meclis-i şer‘-i şerîfe hâzıra olup hâmil-i hâzihi’l-vesîka Ramazan b. Abdullah nâm zevci ile muhâla‘a ettiğini ikrâr eyledi. Zevc-i mezbûr dahi nikâhında ma‘kūdün-aleyh râyicü’l-vakt bin akçe mehr-i müecceli, ilm-i şer‘î ile beynlerinde ma‘lûm nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Fâtıma hatun bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvî, eymân, mutâlebât ve muhâsamâtdan her biri diğerinin zimmetini ibrâ-yı âmm-ı kātı‘an li’n-nizâ‘ ve râfi‘an li’l-husûmet ile ibrâ etti. Cerâ zâlike ve hurrire fi’l-yevmi’r-râbi‘ ve’l-ışrîn min-Saferi’l-hayr li-seneti’l-mezbûre. Şühûdü’l-hâl: Mahmud Efendi b. Mehmed el-imâm, Arslan Beşe b. Hasan, el-Hâc Mustafa Efendi b. Hasan, Receb Beşe b. Hasan, Mehmed Beşe b. Hasan ve gayrühüm