Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 273 Hüküm no: 360 Orijinal metin no: [98a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vergilerden muaf olan reayanın herbirinden hazine için seksen akçe alınmasına dair emir Beşiktaş ve İstinye ve Kapudağı ve Marmara nâhiyelerinde nâibü’ş-şer‘ olan efendiler el-mükerremûn Ba‘de’s-selâm inhâ olunur ki Galata ve tevâbi‘inde sâkin olup avârız ve bedel-i nüzûl ve sâir tekâlîf-i şâkkadan muâf ve müsellem olan re‘âyâdan imdâd-ı hazîne için her birinden seksener akçe cem‘ine memûr olan bâ‘is-i mürâsele umdetü’l-a‘yân Mustafa Ağa cem‘ ve tahsîl için mürâseleye tâlib oldukda mürâsele tahrîr ve irsâl olundu lede’s-suâl gerekdir ki yedinde olan emr-i şerîf-i cihân-mutâ‘ mûcebince ucâletü’l-vakt tahsîl etdirip ber-mûceb-i fermân-ı âlî neferâtını bir deftere tahrîr ve imzâ ve mühürleyip bu cânibe irsâl edesiz ve’s-selâm. Hurrire fi’l-yevmi’l-hâmis ve’l-ışrîn min-Zilka‘deti’l-harâm li-sene isneteyn ve sittîn ve elf. Harrerehû’l-fakīr es-Seyyid Abdullah el-müvellâ-hilâfeten bi-medîneti Galata