Beşiktaş Mahkemesi 63 Numaralı Sicil (H. 1061-1062 / M. 1651-1652) cilt: 48, sayfa: 278 Hüküm no: 377 Orijinal metin no: [100b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. 1062 senesi Beşiktaş, Ortaköy, Kuruçeşme ve Arnavutköyü kefere subaşılığının Ali Bey’e tevcihi Vech-i tahrîr-i hurûf budur ki İşbu bin altmış iki senesi Mart’ı ibtidâsından sene gāyetine varınca Galata voyvodalığına tâbi‘ karye-i Beşiktaş ve Ortaköy ve Kuruçeşme ve Arnavudköyü keferesi subaşılığı işbu sâhibü’t-temessük Ali Bey’e senesi yalnız yirmi dört bin akçeye deruhde olunup mezbûr dahi iltizâm ve kabûl edüp meblağ-ı mezbûru mâh be-mâh ikişer bin akçe edâ ve teslîm edüp kadîmü’l-eyyâmdan olugeldiği minvâl üzere zabt u rabt edüp âhardan kimesne mâni‘ ve müzâhim olmamak için mezbûrun yedine temessük ketb olundu, vaz‘ olundu. Tahrîren fî-ibtidâî Mart ilâ-gāyeti sene 1062 El-fakīr Hüseyin voyvoda-i Galata hâlâ