Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 88 Hüküm no: 14 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çerâğî Hasan mahallesinden Hadice bt. Hasan’ın kocasından boşanması Muhâla‘a Mahmiye-i İslâmbol’da Çerâğī Hasan mahallesinde sâkine ve zâtı ta‘rîf-i şer‘î ile mu‘arrefe olan Hadice bt. el-Hâc Hasan nâm hatun meclis-i şer‘-i hatîrde zevc-i dâhili işbu bâ‘isü’l-kitâb Hasan b. Ahmed mahzarında ikrâr ve takrîr-i kelâm edip mezbûr Hasan zevcim olup lâkin beynimizde hüsn-i mu‘âşeretimiz olmamağla zimmetinde mütekarrer ve ma‘kūdun-aleyh olan yirmi beş guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Hasan ile muhâla‘a-i sahîha-i şer‘iye ile hul‘ olduğumda ol dahi hul‘-ı mezbûru ba‘de’l-kabûl hukūk-ı zevciyete müte‘allika âmme-i de‘âvî ve kâffe-i mutâlebâtdan herbirimiz âharın zimmetini ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 8 Şevvâl sene 1196 Şühûdü’l-hâl: Molla Ali b. Halil, Hacı Hasan b. Osman, Mustafa b. Mustafa.