Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 102 Hüküm no: 35 Orijinal metin no: [5b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arabacı Bayezid mahallesinden Emine bt. Hüseyin’in bakmakta olduğu küçük kızı içün boşandığı kocasından nafaka alması Nafaka-i sagīr Kezâlik mezbûr Mehmed Sadık’ın firâşından hâsıla ve benden mütevellide ve hâlâ bi-hakkı’l-hıdâne hacr u terbiyemde olan sadriye kızım Lebabe nâm sagīrenin mâlı olmayıp nafaka ve kisveye ihtiyâcı olmağla kızım sagīre-i mezbûrenin nafaka ve kisvesi içün babası mezbûr üzerine kıbel-i şer‘den kadr-ı ma‘rûf meblağ farz ve takdîr olunmak bi’l-hıdâne matlûbumdur dedikde gıbbe’t-tasdîki’ş-şer‘î hâkim-i muvakkı‘-ı sadr-ı kitâb -tûbâ-lehû ve hüsnü-meâb- efendi hazretleri dahi sagīre-i mezbûrenin nafaka ve kisvesi içün babası mezbûr Mehmed Sadık üzerine bi’t-terâzî târih-i kitâbdan küllü yevm üçer para farz ve takdîr edip meblağ-ı mefrûz-ı mezkûru sagīre-i mezbûrenin [nafaka] ve kisve ve sâir levâzım-ı zarûriyesine harc ü sarfa ve vakt-i zarûretde istidâneye ve inde’z-zafer babası mezbûr Mehmed Sadık üzerine rücû‘a mezbûre Emine Hatun’a izin vermeğin mâ-vaka‘a. Fî 15 Şevvâl sene [1]196 Şühûdü’l-hâl: Şâhidûn-ı sâbıkūn.