Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 109 Hüküm no: 46 Orijinal metin no: [7a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer Ağa mahallesinden Ayşe bt. Veliyüddin’in kocasından boşanması Muhâla‘a Mahmiye-i İslâmbol’da Cafer Ağa mahallesinde sâkine ve zâtı vech-i şer‘î üzere mu‘arrefe olan Âişe bt. Veliyüddin nâm hatun meclis-i şer‘-i şerîf-i enverde zevc-i dâhili işbu bâ‘isü’l-kitâb Ömer Ağa b. Ebîbekir mahzarında ikrâr ve takrîr-i kelâm edip mezbûr Ömer Ağa zevcim olup lâkin beynimizde hüsn-i mu‘âşeretimiz olmamağla ben hul‘a tâlibe olduğum ecilden zevcim mezbûrun zimmetinde mütekarrer ve ma‘kūdun-aleyh olan otuz guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Ömer Ağa ile muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘-ı mezbûru ba‘de’l-kabûl hukūk-ı zevciyete müte‘allika âmme-i de‘âvî ve kâffe-i mutâlebâtdan herbirimiz âharın zimmetini ibrâ ve ıskāt edip herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’ş-şer‘î mâ-vaka‘a. Fî 24 Şevvâl sene 1196 Şühûdü’l-hâl: Mehmed Salih Efendi b. İbrahim, Molla Mehmed b. ( ), Mustafa b. Mustafa, Ahmed b. Mehmed, Molla Ali b. Halil.