Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 110 Hüküm no: 48 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Simkeş mahallesinden Ümmügülsüm bt. Musa’nın bakmakta olduğu küçük oğlu için boşandığı kocasından nafaka alması Nafaka-i sagīr Kezâlik mezbûrun firâşından [hâsıl] ve benden mütevellid ve hâlâ bi-hakkı’l-hıdâne hacr u terbiyemde olan işbu hâzır bi’l-meclis sadrî oğlum Mustafa nâm sagīrin mâlı olmayıp nafaka ve kisveye muhtâc olmağla oğlum sagīr-i mezbûrun nafaka ve kisvesi içün babası zevc-i mutallıkım mezbûr üzerine kıbel-i şer‘den kadr-ı ma‘rûf meblağ farz ve takdîr olunmak bi’l-hıdâne matlûbumdur dedikde gıbbe’t-tasdîki’ş-şer‘î hâkim-i muvakkı‘-ı sadr-ı kitâb -tûbâ-lehû ve hüsnü-meâb- efendi hazretleri dahi sagīr-i mezbûrun nafaka ve kisvesi içün babası mezbûr Hafız Mehmed Emin Efendi târih-i kitâbdan küllü yevm ondörder akçe farz ve takdîr buyurup meblağ-ı mefrûz-ı mezkûru sagīr-i mezbûrun nafaka ve kisvesine harc ü sarfa ve lede’l-hâce istidâneye ve inde’z-zafer babası mezbûr Hafız Mehmed Emin Efendi üzerine rücû‘a Ümmügülsüm Hatun’a izin vermeğin mâ-vaka‘a bi’t-taleb ketb. Fî 19 Şevvâl sene 1196 Şühûdü’l-hâl: Şâhidûn-ı sâbıkūn.