Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 116 Hüküm no: 56 Orijinal metin no: [8b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mirahor mahallesinden Süleyman b. Abdullah’ın esamesini Mehmed Ağa’ya devretmesi Esâme Medîne-i Üsküdar’da Mirâhor mahallesinde sâkin Süleyman b. Abdullah meclis-i şer‘-i şerîf-i enverde işbu bâ‘isü’l-kitâb Mehmed Ağa b. Ahmed mahzarında ikrâr ve takrîr-i kelâm edip ben Silahdâr ocağında yüz doksan sekizinci bölükde İsmail Mahmud Bolu kırâet olunur yevmî on akçe esâmîmi bundan akdem kendi hüsn-i rızâ ve ihtiyârımla mezbûr Mehmed Ağa’ya ferâğ ve kasr-ı yed ve ibtidâ ta‘bîr olunur tezkiresini dahi yedine def‘ ü teslîm eylediğimde ol dahi bedel-i ferâğ olmak üzere bana mâlından teberru‘an yüz guruş def‘ ve teslîm ve ben dahi yedinden tamamen ahz ü kabz ve umûruma sarfla istihlâk eylediğimden sonra ben esâmî-i mezkûra müte‘allika âmme-i de‘âvî ve kâffe-i mutâlebâtdan mezbûr Mehmed Ağa’nın zimmetini ibrâ ve ıskāt eylediğimde ol dahi bedel-i ferâğ olmak üzere bana medfû‘u olan meblağ-ı müstehlek-i merkūm yüz guruşa müte‘allika âmme-i da‘vâdan benim zimmetimi ibrâ ve ıskāt, herbirimiz ber-minvâl-i muharrer âharın ibrâsını kabûl eyledik dedikde gıbbe’t-tasdîki’l-mu‘teberi’l-mer‘î mâ-vaka‘a bi’t-taleb. Fî-selhi Şevvâl sene 1196 Şühûdü’l-hâl: Veliyüddin Çavuş Ağa b. Osman, İbrahim b. Mustafa, Ebûbekir b. İsmail, Ahmed b. Abdullah, Molla Ali b. Halil ve gayruhum.