Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 303 Hüküm no: 316 Orijinal metin no: [45a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alifakih mahallesinden Emine bt. İbrahim’in kocası aleyhine açtığı alacak davasından feragat etmesi İbrâ Mahmiye-i İslâmbol’da Ali Fakih mahallesinde sâkine ve zâtı vech-i şer‘î üzere mu‘arrefe olan Emine bt. İbrahim nâm hatun meclis-i şer‘-i şerîf-i enverde hâlâ zevci işbu bâ‘isü’l-kitâb Mehmed Ağa b. Ali nâm kimesne mahzarında ikrâr ve takrîr-i kelâm edip bundan akdem mezbûr Mehmed Ağa zimmetinde cihet-i karzdan iki yüz guruş alacak hakkım olmağla meblağ-ı mezbûr iki yüz guruşu zevcim mezbûrdan bu esnâda taleb ve da‘vâya tesaddî etmişidim. El-hâletü hâzihî beynimize muslihûn tavassutuyla ber-vech-i muharrer tesaddî eylediğim da‘vâ-yı mezkûremden meccânen fâriğa olup meblağ-ı mezbûr iki yüz guruşa ve sâire müte‘allika âmme-i de‘âvî ve kâffe-i mutâlebâtdan zevcim mezbûr Mehmed Ağa’nın zimmetini ibrâ ve ıskāt eylediğimde ol dahi ibrâmı kabûl eyledi dedikde gıbbe’t-tasdîki’ş-şer‘î mâ-vaka‘a. Fî 29 Ra sene 1197 Şühûdü’l-hâl: Es-Seyyid Mehmed Emin Ağa b. es-Seyyid el-Hâc Osman, Molla Ali b. Halil, Molla Mehmed b. Mustafa, Hacı Hasan b. Osman.