Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 303 Hüküm no: 317 Orijinal metin no: [45a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçükayasofya mahallesinden Mehmed Emin’in gümrüklerden aldığı maaşını hanımına devretmesi Vazîfe-i gümrük kasr-ı yedi Mahmiye-i İslâmbol’da Küçükayasofya mahallesinde sâkin es-Seyyid Mehmed Emin b. el-Hâc Osman nâm kimesne meclis-i şer‘-i şerîf-i enverde hâlâ zevcesi mu‘arrefetü’z-zât işbu bâ‘isetü’l-kitâb Nefise bt. Ali nâm hatun mahzarında ikrâr ve takrîr-i kelâm edip bâ-berât-ı âlî-şân mutasarrıf olduğum İslâmbol Kahvesi Gümrüğü Mukāta‘ası mâlından almak üzere yevmî kırk yedi akçe ve İzmir Kahvesi Rüsûmu Mukāta‘ası mâlından almak üzere yevmî on altı akçe ki cem‘an altmış üç akçe vazîfemi bundan akdem kendi hüsn-i rızâ ve ihtiyârımla zevcem mezbûre Nefise Hatun’a meccânen ferâğ ve bi’l-külliye kasr-ı yed edip berâtlarını dahi yedine def‘ ve teslîm eylediğimden sonra ben vazîfe-i mezkûrelere müte‘allika âmme-i de‘âvî ve kâffe-i mutâlebâtdan zevcem mezbûre Nefise Hatun’un zimmetini ibrâ ve ıskāt eylediğimde ol dahi ibrâmı kabûl eyledi dedikde gıbbe’t-tasdîki’l-mu‘teberi’l-mer‘î mâ-vaka‘a bi’t-taleb. Fî 29 Ra sene 1197 Şühûdü’l-hâl: Mehmed Ağa b. Ali, Molla Ali b. Halil, Mustafa b. Mustafa, Numan Efendi b. Süleyman, Hüseyin Efendi b. İbrahim ve gayruhum. [45b] Mâ fîhi mine’l-vakfı ve’ş-şurût cerâ indî ale’l-nemati’l-mebsût fe-hakemtü bi-sıhhatihî ve lüzûmihî fî-husûsihî ve umûmihî âlimen bi’l-hilâfi’l-cârî beyne’l-eimmeti’l-eşrâf ve ene’l-fakīru ileyhi subhânehû ve te‘âlâ Bâli Fânizâde Şerif Mehmed Emin el-müvellâ-hilâfeten bi-mahkemeti Davudpaşa bi-Dâri’l-hilâfeti’l-aliyyeti’l-mahmiyeti’l-Kostantıniyye.